આખી દુનિયા આ કારણથી દુઃખી છે

નીચેનો લેખ તમારા જીવનને નવી દિશા આપશે જેમાં મને કોઈ શંકા નથી. આ લેખ હું બે પ્રકારના વ્યક્તિઓ માટે લખી રહ્યો છું. એક એવી વ્યક્તિ કે જે બહુ મોટી કક્ષાએ પહોંચી હોય અને એમની જાહેર જીવનમાં ખૂબ નામનાઓ હોય છે અને સમાજ જેને સમજદાર લોકોનું બિરુદ આપે છે અને તેના પગલે ચાલવાની કોશિશ કરે છે, છતાં આ પ્રકારના વ્યક્તિઓ ને પણ સુખ નથી કારણ કે કોઈ અજાણી વ્યક્તિ કંઈપણ કહી જાય તો તેની અંદરની સિસ્ટમ હલી જાય છે. વળી એ કહેનારા માણસમાં અને તેની વાતમાં પાંચિયાભરનું તથ્ય કે સત્ય ન હોય છતાં, પોતાની અમૂલ્ય એનર્જી બગાડીને પ્રત્યુતર આપે છે.આ સમજુ લોકો ખરા સમયે મૂર્ખાઈનું કામ કરે છે અને પોતાની સ્થિરતા ગુમાવી બેસે છે. આવા પ્રકારના લોકોને મે વી.આઇ.પી ગુલામ નામ આપ્યું છે અને બીજા પ્રકાર ના છે તે સામાન્ય ગુલામ છે. ગુલામ શબ્દનો ઉપયોગ એટલા માટે કર્યો કેમ કે એ ખરેખર ગુલામ જ છે. અને લોકો જેમ નચાવે તેમ નાચે છે, તમને સવાલ થશે કે આવો શું લેખ લખ્યો હશે, આગળ વાચો તમને આ લેખ સુખી કરશે, ઉપરની વાત સાથે એક વાત ઉમેરું કે જ્યાં પ્રત્યુતર આપવો પડે ત્યાંતો આપવો જ પડે એ વાત જુદી છે, પણ જ્યાં ત્યાં અને ગમે ત્યારે કોઈ તમારી અંદર ડંખમારી ને ચાલ્યો જાય એ અંદર સુધી પહોંચે જ કેમ એ સવાલ નો વિષય છે.

હવે બીજી પ્રકારના લોકો એટલે સામાન્ય ગુલામ જે લોકો જાહેરજીવન માં પણ ઓછા જોવા મળે છે જે પોતાનું કામ થી કામ રાખે છે અને હું આટલું સ્પષ્ટ તમને કહી રહ્યો છું તેનું કારણ છે કે મને આ વાત ત્યારે સમજાઈ ગઈ હતી જ્યારે હું જાહેરજીવન માં નહોતો અને જો ત્યારે ન સમજાઈ હોત તો હું પણ વી.આઇ પી ગુલામ માં આવતો હોત અને અત્યારે ક્યાય ને ક્યાંય ઝપટે ચડતો હોત અને પીડાતો હોત, આટલું સમજ્યા છતાં બચવું પડે છે અને બચી પણ જાવ છું તેનું કારણ છે કે સતર્ક છું અને વાસ્તવિકતા જાણું છું માટે હું બહુ સ્પષ્ટ તમને આ બાબતનો રસ્તો આપી શકું છું. હવે નવાઇની વાત એ છે કે જે સામાન્ય ગુલામ હોય છે તેને ખ્યાલ પણ નથી હોતો કે તે દુઃખી કેમ થાય છે. શુકામ ક્રોધ આવે છે?